Dita e Verës, ja si mund të argëtoheni´në Tiranë

Bashkia e kryeqytetit do të zhvillojë një sërë aktivitetesh

Si çdo vit edhe në këtë ditë vere Bashkia e Tiranës ka organizuar një sërë aktivitetesh që do të zgjasin gjatë gjithë ditës së 14 marsit. Parku i Liqenit Artificial pritet që të jetë një nga destinacionet kryesore të qytetarëve të Tiranës. Varka dhe kanoe për argëtim, aktivitete sportive, panair kulinarie e muzikë do të gjallërojnë këtë ditë të shënuar.

Ndërkohë që në orën 10:00, nga sheshi “Skënderbej” drejt Liqenit Artificial do të zhvillohet parade e karnavaleve, ku fëmijë të shkollave të ndryshme të kryeqytetit do të parakalojnë me veshje të ndryshme.

Sipas një njoftimi për shtyp mësohet se nuk do të mungojë as shfaqja fantastike për të gjithë të apasionuarit pas aventurës, ku për 6 orë po në sheshin “Skënderbej” do të zhvillohet shfaqja me fluturime me balonë e anëtarëve të Federatës Shqiptare të Aeronautikës dhe të atyre të ardhur nga Kosova.

Në rrugë të ndryshme të qytetit do të ketë edhe skena më të vogla për të vegjlit, por edhe për të rinjtë të cilët do të kenë mundësi që të ndjekin DJ dhe këngëtarët më të mirë të momentit të zhanreve të ndryshme muzikore.

Author
Hermes News

Redaksia

Shkruaj një koment

0 Komentet