Tiranë, festat e fundvitit, ndalohet qarkullimi i mjeteve të tonazhit të rëndë

Për shkak të festave të fundvitit dhe trafikut të madh që mund të krijohet, kryetari i bashkisë së Tiranës, ka vendosur të ndalojë përkohësisht qarkullimin e mjeteve të tonazhit të rëndë, kryesisht brenda unazës së mesme dhe në segmente të thera rrugore. Ndalimi i qarkullimit të automjeteve të rënda do të bëhet nga data 22 dhjetor 2017 deri më 1 janar 2018, duke nisur nga ora 07.00-22.00.

Gjithashtu, për shkak të organizimit të aktiviteteve të ndryshme festive në këto ditë festash dhe rritjes së numrit të vizitorëve edhe nga qytete të tjera të vendit, Bashkia e Tiranës ka pezulluar të gjitha lejet për qarkullimin e automjeteve në kryeqytet, sipas urdhrit, deri në dt. 1 Janar.

Në zbatim të urdhrit të kryetarit të Bashkisë së Tiranës, qarkullimi i mjeteve të tonazhit të rëndë do të ndalohet në këto segmente rrugore:

Rr. “Dritan Hoxha”;

Rr. “5 Maji”;

Rr. “Petro Nini Luarasi”;

Rr. “Sulejman Delvina”;

Rr. “Dëshmorët e 4 shkurtit”;

Rr. “Elbasanit”;

Rr. “Hoxha Tahsim”;

Rr. “Rruga e Dibrës”;

Rr. “Kristo Luarasi” (diga e liqenit);

Rr. “Don Bosko”.

Author
Hermes News

Redaksia

Shkruaj një koment

0 Komentet