Protesta, Ambasadorja gjermane Schütz: Përgjegjësi e drejtuesve, të shmangin çdo përshkallëzim

Ambasadorja e Gjermanisë në Tiranë, Susanne Schütz, deklaroi sot se “respektojmë plotësisht të drejtën themelore të qytetarëve shqiptarë për të demonstruar, ritheksojmë rëndësinë e ushtrimit të kësaj të drejte në mënyrë të rregullt dhe paqësore”.

Në një deklaratë për shtyp, në prag të protestës së opozitës, ambasadorja Schütz shprehet se “ne dënojmë të gjitha aktet e dhunshme që kanë ndodhur në protestat e mëparshme. Asnjë formë e nxitjes së dhunës nuk është e tolerueshme. Përdorimi i eksplozivëve ose i ndonjë sendi tjetër të projektuar për të shkaktuar lëndime është krejtësisht i papranueshëm”.

“Është përgjegjësi e drejtuesve të protestës të sigurojnë që demonstrimet të mbahen në mënyrë të sigurt si për pjesëmarrësit ashtu dhe për banorët e tjerë Tiranës, si dhe për të shmangur çdo përshkallëzim gjatë protestave. Autoritetet e zbatimit të ligjit gjithashtu kanë përgjegjësi për të vepruar me përmbajtje, edhe nëse provokohen”-, nënvizoi Schütz .

Ambasadorja gjermane i bëri thirrje sërish të gjitha palëve të angazhohen urgjentisht në një dialog konstruktiv për të kapërcyer situatën aktuale politike.

Author
Hermes News

Redaksia

Shkruaj një koment

0 Komentet