Konsumi i çokollatës shton inteligjencën

Nëse konsumoni të paktën një herë në javë çokollatë, të çfarëdolloji, ju ndihmon të përforconi inteligjencën. Ky është përfundimi i një studimi të Georgie Chrichton të Universitetit të Australisë së Jugut, të botuar në revistën Appetite. Çokollata e në veçanti ajo e zeza, që është më e pasur me antioksidantë nga familja flavonoid, njihet nga shumë studime shkencore për efeket e tij pozitive në shëndet. Por megjithatë studiuesit kanë dashur të tregojnë efektet afatgjata mbi inteligjencën, të ndikuar nga konsumi i rregullt i kësaj ëmbëlsire. Por deri tani në fakt, studimet analoge ishin fokusuar vetëm tek efektet afatshkurtra, efektet direkt pas konsumit. Shkencëtarë kanë eksperimentuar konsumin e çokollatës në 968 individë të moshave nga 23 deri në 98 vjeç në harkun e 30 viteve, ‘duke administruar’ periodikisht pyetësorët e ushqimit. Në veçanti për këtë studim të anketuarve u është kërkuar të tregojnë se sa shpesh e përdorin çokollatën. Më pas ata i janë nënshtruar disa testeve të inteligjencës në fusha të ndryshme, si kujtesë vizive, punë, verbale. Rezultati ? Një konsum i përjavshëm i çokollatës ka lidhje me inteligjencën më të lartë në të gjitha fushat. Dhe efekti shihet jo vetëm me çokollatën e zezë, por çfarëdolloj çokollate.

Author
Hermes News

Redaksia

Shkruaj një koment

0 Komentet