Nën moton 'Alkooli dhe Shpejtësia marrin jetë', policia kontrolle dhe arrestime të shumta shoferëve

Në kuadër të parandalimit të aksidenteve dhe rritjen e parametrave të sigurisë së jetës në rrugë, Policia Rrugore e Tiranës, nën moton "Alkooli dhe Shpejtësia marrin jetë", gjatë fundjavës ka ushtruar një sërë kontrollesh në autostradë dhe në akset rrugore në brendësi të Tiranës. Kontrollet janë kryer me radar dhe drager për të evidentuar të gjithë ato shoferë që qarkulljnë me shpejtësi tej normave të lejuara dhe nën efektin e alkoolit.

Gjatë 48 orëve të fundit, janë arrestuar në flagrancë 10 drejtues mjetesh që drejtonin mjetin në gjendje të dehur, ku nga alkool testet ka rezultuar se sasia e alkoolit të kosumuar varionte nga 0.56 mg/l deri në 1.29 mg/l. Si dhe një drejtues mjeti i pa paisur me Leje Drejtimi.

Janë tërhequr 89 Leje drejtimi, nga këto: 29 Leje Drejtimi për drejtim mjeti nën efektin e alkoolit , që varionte nga 0.22mg/l deri në 0.49 mg/l 47. Leje Drejtimi për drejtim mjeti me shpejtësi tej normave të lejuara, si në autostradë ashtu edhe në qendrat e banuara brenda qytetit të Tiranës, shpejtësi që varionin në autostradë deri në 219 km/orë dhe në qendrat e banuara deri në 106 km/orë. 13 Leje Drejtimi për shkelje të tjera të parashikuara nga Kodi Rrugor.

Po gjatë 48 orëve të fundit, Policia Rrugore ka ushtruar kontrolle edhe në evidentimin dhe ndëshkimin e atyre drejtuesve që nuk respektojnë rregullat e qarkullimit rrugor ku janë vendosur gjithsej 898 masa adminsitrative, nga këto: • 87 masa për mospërdorim të rripit të sigurimit • 85 masa për parakalim të gabuar • 98 masa për përdorim të celularit gjatë drejtimit të automjetit • 10 masa për mosrespektim të sinjalistikës së semaforit • 60 masa për ata që qarkullojnë pa kaskë mbrojtëse si dhe 11 pa kontroll teknik të mjetit • 568 masa për shkelje të tjera të Kodit Rrugor. Janë bllokuar dhe 9 mjete për mosshlyerje të masave administrative mbi 5 masa adminsitrative.

Policia Rrugore e Tiranës, edhe në ditët në vijim, do vijojë kontrollet me intensitet, për të evidentuar dhe ndëshkuar çdo shkelës të Kodit Rrugor, për të përmbushur objektivin parësor, atë të rritjes së parametrave të sigurisë së jetës në rrugë.

Author
Hermes News

Redaksia

Shkruaj një koment

0 Komentet