Ambasadorja Kim në Shkodër: 'Disa persona po tentojnë të intimidojnë gjyqtarët e SPAK'

Ambasadorja amerikane Yuri Kim në një deklaratë nga Shkodra ka cekur sërish çështjen e Gjykatës kushtetuese ku ka thënë se kjo nuk është një situatë e papranueshme për një vend anëtar i NATO-s dhe që kërkon të futet në BE.

“Shqipëria ka qenë pa një Gjykatë Kushtetuese për një kohë të gjatë. Nuk është një situatë e pranueshme që është një anëtarë i NATO-s dhe kërkon të futet në BE. Kemi qenë të kënaqur që dhe Ruçi ka rënë dakord për ngritjen e Kushtetueses deri në fund të vitit” – deklaroi Kim.

“Është e rëndësishme pjesëmarrja politike dhe është e rëndësisë që udhëheqësit të lënë anash ndasitë politike e për tu bashkuar bashkë drejt një objektivi. Unë do të luaj një rol në mbështetjen e këtyre përpjekjeve. Është një lajm shumë i mirë që palët politike si jashtë dhe brenda parlamentit do të bien dakord për tu ulur sërish. Jam e sigurt që në fund do të mund të arrijnë një kompromis” – tha Kim më tej.

Ndërkohë ambasadorja dha një mesazh të fortë referuar SPAK, kur tha se po përpiqen t’i pengojnë në punën e tyre madje të intimidojnë gjykatësit dhe prokurorët. “Është një gjë e mirë dhe ka ardhur koha që SPAK të jetë plotësisht funksional. Disa po përpiqen t’i pengojnë në punën e tyre madje do të intimidojnë gjykatësit dhe prokurorët por ka ardhur koha që SPAK të qëndrojë i fortë para këtyre personave” tha ajo nga Shkodra.

“Përfundimisht është përgjegjësi e drejtuesve dhe udhëheqësve politikë të Shqipërisë dhe jo e ambasadores amerikane. Unë do të luaj një rol në mbështetjen e këtyre përpjekjeve por ky është një vend sovran dhe zyrtarët e zgjedhur kanë një përgjegjësi të cilës nuk mund ‘ti largohen. Mendoj se ligjet e Shqipërisë janë shumë të qarta dhe kushdo që e ka marrë atë letër e di saktësisht se për çfarë jam duke folur”.

Author
Hermes News

Redaksia

Shkruaj një koment

0 Komentet